Բժիշկ Դավիթը խոսել է կորոնավիրուսի մուտացված տարբերակների, մասնավորապես Դելտա շտամի մասին։ Նա մանրամասնել է՝ ասելով, որ համավարակը որոշակի մուտացիաների է այս ընթացքում ենթարկվել, որոնք բժշկության մեջ պայմանական հունական տառերով են անվանել։
Ալֆան, Բետան ու Գամման այնքան էլ չեն տարբերվում համավարակի մեր իմացած տարբերակից, իսկ Դելտան բավականին լուրջ փաստի առաջ է կանգնեցրել մարդկանց ու բժշկական համակարգին։
Բժիշկ Դավիթը հիշեցնում է Հնդկաստանի բռնկման դեպքը, երբ առողջապահական համակարգը պարզապես տապալվել էր ու մարդիկ մահանում էին ով որտեղ պատահի՝ փողոցներում, տանը, հիվանդանոցներում։
Բժիշկը չի հստակեցնում, թե դրա պատճառը ինչն է եղել մասնավորապես՝ առողջապահական համակարգի թերացումը, թե՞ հիվանդության խիստ վարակիչ լինելը, սակայն նշում է, որ արդյունքը աղետային էր։
Որպեսզի առաջիկայում խուսափենք նման բռնկումներից, հարկ է փակ տարածքներում դիմակով շրջել և ընդունել պատվաստումները։ Բժշկի համար խիստ մտահոգիչ են Հայաստանում վիրուսի տարածման ներկայիս տվյալները։
