Հայտնի սննդաբաններից Լիլիթ Բասյանը օրերս նշել է իր միակ որդու ծննդյան տարեդարձը։ Հայրիկի անվանակից կրտսեր Ալեքսանդրը բոլորել է ծննդյան յոթ տարին, ինչի առիթով ծնողները յուրաքանչյուրն իր հերթին անակնկալ է մատուցել երեխային։
Լիլիթը, որ հաճախ է խոսում իր զավակի հանդեպ ունեցած առանձնահատուկ սիրո մասին, երեխայի ծննդյան օրվա կեսգիշերին անակնկալ է մատուցել նրան՝ հեքիաթի հերոսների ու նրա մտերիմ ընկերների հետ միասին տորթ նվիրելով։
Ինչպես երևում է լուսանկարներից, Ալեքսի նախընտրած ու սիրելի հերոսը Մարվելն է, և նրա ծննդյան տորթը ձևավորված է հենց այդ հերոսի մոտիվներով։
Հետո պարզ է դարձել, որ Լիլիթը կատարել է նաև փոքրիկ Ալեքսանդրի երազանքը։ Ալեքսը միշտապես երազել է առանձին սենյակ ունենալ, որը զարդարված կլինի իր նախընտրելի դեկորացիաներով։
Քանի որ անցած ամիս Լիլիթը տղայի հետ նոր տուն է տեղափոխվել, նրան հաջողվել է իրականացնել նաև Ալեքսի այդ երազանքը՝ նրան առանձին, գեղեցիկ ու նախընտրելի հարդարում ունեցող սենյակ նվիրելով։