Հայտնի ու սիրված դերասան Վահե Զիրոյանն ունի համեստ, բայց բազմաշնորհ ընտանիք։ Զիրոյանների ընտանիքում բացի Վահեից երկու տղա ևս կա։ Վահեի ավագ եղբայրը՝ Տիգրանը, ճարտարապետի մասնագիտություն ունի։
Զիրոյանների կրտսերը՝ Հովհաննեսը, բոլորովին վերջերս համալրել է մեր բանակի շարքերը։ Վահեն եղբորը հպարտությամբ ու ջերմ բարեմաղթանքներով է ճանապարհել զինծառայության։
Ավելորդ է նշել, որ այս օրերին բանակ մեկնող ու բանակում գտնվող մեր տղաները հանրային սիրո և ուշադրության կենտրոնում են։
Հովհաննեսը մինչ զինծառայության մեկնելը նախ բարձրագույն կրթություն է ստացել երաժշտության ոլորտում՝ կարմիր դիպլոմով ավարտելով Կոմիտասի անվան բարձրագույն կրթական հաստատությունը՝ կոնսերվատորիան։
Վահեն մեկ անգամ չէ, որ իր հպարտությունն է հայտնել եղբոր շնորհալի լինելու առիթով։ Հովհաննեսը փողային գործիքներ է նվագում։ Նա արդեն իսկ հասցրել է որոշակի հաջողություններ ձեռք բերել այս ոլորտում։
Զիրոյանների ավագը՝ տղաների հայրը ավտոտեխնիկ է մասնագիտությամբ։ Նրանց մայրը՝ Մարինեն, մասնագիտությամբ բուժքույր է և աշխատում է երևանյան պոլիկլինիկաներից մեկում։
