Այսօր երջանիկ ելքով դեպք է գրանցվել Ռուսաստանի Նովոկուզնեցկ քաղաքում։ Թոշակառու կինը նկատել է պատուհանից ընկնող փոքրիկ բալիկի և կարողացել է փրկել նրան։ Դրանից հետո պարզվել է, թե բալիկն ինչ հանգամանքների բերումով է հայտնվել պատուհանագոգին։
Պարզվում է՝ երեխայի ընտանիքը բազմանդամ է։ Նրա ծնողները չորս բալիկներ ունեն։ Կեսօրին ընտանիքի հայրը զբաղված է եղել գործերով՝ կարծելով, թե երեխաների մայրը երեխաների մոտ է։ Մի ընթացք երեխաների մայրը սկսել է փնտրել երկվորյակ երեխաներից մեկի կաթի շիշը։
Այդ ընթացքում երկվորյակ բալիկներից մյուսը բարձրացել է շոգերի պատճառով բաց թողնված պատուհանի գոգին, հետո ցատկել պատուհանից։ Բարեբախտաբար հենց այդ պահին պատուհանի տակով անցնելիս է եղել մի տարեց կին։
Կինը, տեսնելով փոքրիկին առանց որևէ մեծի, անմիջապես նետել է իր ձեռքի պայուսակները, վազելով մոտեցել պատուհանին ու ձեռքերը վեր պարզել։
Հենց այդ պահին փոքրիկն ընկել է կնոջ գիրկը՝ մնալով անվնաս։ Տեսանյութը՝ կից։
