Էդգար Իգիթյանն առաջին անգամ օրեր առաջ երջանկություն ունեցավ վայելելու իր առաջնեկի ծննդյան բերկրանքը։ Դերասանը, որ արդեն մի քանի տարի է, ինչ ամուսնացած է, օրեր առաջ հայտնել էր, որ հայրիկ է դարձել՝ ստանալով շնորհավորանքներ։
Էդգարը երեկ դիմավորել է իր նորածին տղային և տիկնոջ՝ Լուսինեի հետ նրան ուղեկցել հայրական տուն։ Ամուսիններն իրենց առաջնեկին որոշել են Լեոն անվանել։
Բացի այն, որ անունը հայտնի էկրանավորման կերպարներից մեկի անունն է, այն թարգմանաբար առյուծ է նշանակում։
Ամուսնական զույգն անուն ընտրելիս կանգ է առել այս տարբերակի վրա նաև այն հանգամանքը հաշվի առնելով, որ Լեոն անունը կարելի է բացել նաև հետևյալ կերպ՝ Լուսինեի և Էդգարի որդի։
Էդգարը որդուն դիմավորելու համար ծաղիկներով հարազատների հետ գնացել է հիվանդանոց։ Հենց հիվանդանոցի դռների մոտ էլ նա դիմավորել է տիկնոջը և առաջին անգամ գրկել որդուն՝ ունենալով երջանկության աննկարագրելի ապրումներ։