Այս տորթն իսկական փրկիչ է, երբ ժամանակ չկա ինչ-որ բան թխելու։ Այն պետք է ուղղակի հավաքել և կրեմով պատել, հետո թողնել 3-4 ժամ և պատրաստ է։ Տորթն աներևակայելի նուրբ, փափուկ է և, պարզապես, հալչում է բերանի մեջ։
Անհրաժեշտ է
Թխվածքաբլիթ (ցանկալի է շոկոլադե)՝ 36 հատ (400 գ)
Բանան հասած՝ 1 հատ
Կաթ
Շաքարի փոշի՝ 200 գ
Թթվասեր՝ 400 գ
Վանիլին՝ 1 պտղունց
Շոկոլադ և մրգեր՝ զարդարելու համար
Պատրաստման եղանակը
Թթվասերը, շաքարի փոշին և վանիլինը խառնել, բանանը մանր շերտատել։ Աթսեի հատակին կրեմ քսել՝ վրան շարելով կաթի մեջ թաթախած թխվածքաբլիթները։ Ամեն շերտը դնելուց հետո կրեմ քսել և շարել բանները, վրան թեթև կրեմ քսել ու շարունակել հաջորդ շերտը։
Տորթի վերևի մասն ու կողքերը լավ պատել կրեմով։ Վրան քերած շոկոլադ ցանել և մրգեր շարել։ Երեք ժամով դնել սառնարանը։