Այսօր բազմաշնորհ արտիստ Միքայել Պողոսյանի ծննդյան տարեդարձն է։ Միքայել Պողոսյանը սովորել է Երևանում՝ Գեղարվեստի ուսումնարանի կերամիկայի բաժնում։ Դրանից մի քանի տարի անց նա նաև դերասանի մասնագիտացում է ստացել։
Միքայել Պողոսյանի խաղացած դերերը, հեղինակած ֆիլմերն ու ներկայացումներն իրենց բազմաշերտ բովանդակությամբ և ասելիքով միշտ էլ գրավել է հանդիսատեսի ուշադրությունն ու մշակութասեր հանրության համակրանքը։
Արտիստն այսօր բոլորում է ծննդյան վաթսունհինգ տարին։ Նա ստեղծագործում է անկախ։ Պարբերաբար հանդես է գալիս ինքնատիպ նախաձեռնություններով։ Բացի դերակատարումները, Միքայել Պողոսյանը հայտնի է նաև իր երգերով ու երաժշտական կատարումներով։
Իր երաժշտական կատարումների համար Մ․ Պողոսյանը Սայաթ Նովա մրցանակաբաշխության շրջանակներում արժանացել է առաջին մրցանակի։ Զուգահեռ դերասանական, ռեժիսորական և երաժշտական գործունեությամբ զբաղվող արտիստն արժանացել է այլ պատվավոր մրցանակների ևս։
Միքայել Պողոսյանը ժողովրդական արտիստ է, ով արժանացել է նաև «լավագույն դերասան» պատվավոր մրցանակին։
