Իրինա Դանիելյանը գրում է․ «Պատերազմից հետո մենք դե ֆակտո գործ ունենք թուրքական բանակի հետ,- ասել է Վաղարշակ Հարությունյանը։ Գիտեք, թե ինչո՞ւ է Վաղարշակը այդ հայտարարությունը անում։ Իրանական լրատվամիջոցները այսօր հայտնել են, որ Թուրքիան ռազմական տեխնիկա է կուտակում Հայաստանի հետ սահմանին։
Ըստ աղբյուրների՝ ավելի վաղ այս ռազմական տեխնիկան օգտագործվել է Սիրիայում, իսկ այժմ այն զորավարժությունների պատրվակով տեղափոխվել է Հայաստանի հետ սահման: Իրանական լրատվամիջոցները կարծում են, որ այս տեղափոխման նպատակը Հայաստանի Սյունիքի մարզն է՝ իր զինված ուժերին հորդորելով անհրաժեշտ միջոցներ ձեռնարկել իրանա-հայկական սահմանին:
Բազմաթիվ վերլուծությունների համաձայն՝ Անկարան և Բաքուն մտադիր են հшրձшկվել հայկական Սյունիքի վրա ( որը սահմանակից է Իրանին) և կտրել սահմանը երկու երկրների միջև: Իրանը բազմիցս էր հայտարարել, որ տարածաշրջանի միջազգային և աշխարհաքաղաքական սահմանների փոփոխությունը Իրանի կարմիր գիծն է: Լայնամաշտաբ պատերազմը կանխելու համար անհրաժեշտ է, որ իրանցի զինվորականներն անհապաղ տեղակայվեն հայ-նախիջևանական սահմանի երկայնքով, նշեց իրանական լրատվամիջոցը։
Նաև նշում են, որ արցախյան պատերազմը սկսվել է 2020 թվականին՝ ԱՄՆ ընտրությունների նախօրեին: Ի զարմանս Իրանի, հաջորդ պատերազմը կարող է համընկնել Իրանի ընտրությունների հետ: Այնուամենայնիվ, դա հնարավոր է առաջիկա շաբաթների ընթացքում»:
