Հոգեբան Անի Խուդոյանը, անդրադառնալով Շանթ Հարությունյանի արտահայտած մտքերին, գրում է․ «Շանթ Հարությունյանն ինչքան էլ որ հակասական գաղափարներ արտահայտի, ամեն հարցազրույցից նոր, հսկայական ինֆորմացիա ես ստանում:
Իր հարցազրույցները միշտ թուղթ ու գրիչով եմ լսում, մտքերից մի քանիսն էստեղ թողնեմ, դուք էլ կարդացեք։
* Խնդրում եմ ներեք, որ ճշմարտությունն ասելու համար, ստիպված եմ մեղանչել համեստության դեմ:
* Անգլիան ինչու է բարեկեցիկ երկիր, որովհետև այնտեղ ազնիվ մարդիկ նույնքան համարձակ են, որքան սրիկաները: Իսկ մեզ մոտ ազնիվ մարդիկ համարձակություն չունեն:
*Եթե հայրենիքն ընկալում ես սոսկ որպես արոտավայր, ուրեմն վաղ թե ուշ կկորցնես այն:
*Մեր ամենամեծ խնդիրներից մեկն այն է, թե որո՞նք են մեր՝ լիդերի մասին ունեցած պատկերացումները, ում ենք մենք ընդունում որպես լիդեր (սկսած դպրոցական տարիքից)։
* ժողովուրդը միշտ ստանում է այն, ինչն իր համար արժեք է»,- մեջբերումների իր գրառած շարն ավարտում է հոգեբան Անի Խուդոյանը։