Անդրանիկ Ապերյանը մեր անմահացած քաջերից է, ով ծնունդով Վանանդից է։ Անդրանիկը մեր այն տղաներից է, ով հայրենիք էր վերադարձել արտերկրից՝ Ռուսաստանից, որ անցնի պարտադիր զինվորական ծառայությունը։
Հայրենիք վերադարձած և բանակ զորակոչված երիտասարդը զինծառայության է անցնում որպես հետախույզ։ Նա բացառիկ կարգապահ, գաղտնապահ և նվիրյալ զինվորական էր։ Հարազտաները զարմանքով արձանագրում են, որ Անդրանիկը երբևէ ոչ մի տեղեկություն չի պատմել զինծառայության ընթացքի, առավել ևս պшտերազմի մասին։
Անդրանիկը եղել է Եղնիկների զորամասերից մեկում իր զինծառայության ընթացքում, իսկ պшտերազմի ժամանակ միառժամանակ գտնվելով Եղնիկներում, ապա փոխադրվել է Շուշի։ Անդրանիկը Շուշիի պաշտպանության մարտերի ժամանակ հայտնվել էր Հետք լրատվամիջոցի հայտնի լրագրող-վավերագրող Էդիկ Բաղդասարյանի տեսախցիկի առաջ։
Երբ լրագրողը նրան փորձում էր խոսեցնել, զինծառայողն իրեն բնորոշ համեստությամբ ու պատասխանատվությամբ ասել է, որ ամեն ինչ նորմալ է։ Տեսանյութը՝ ստորև։ Օրեր անց Անդրանիկն անմահանում է Անդրանիկը կդառնար քսան տարեկան։ Նա անմահացել է նոյեմբերի յոթին, երբ փորձել է փրկել զինընկերոջ կյանքը։
