Դիանա Մխիթարյանը թեև չի երևում էկրաններից, սակայն խիտ գրաֆիկով է ապրում։ Նա որոշել է նոր մասնագիտացում ստանալ, քանի որ երգչուհու իր մասնագիտությունը համարում է սիրողական։ Ու քանզի մանկուց սիրել է բանկային գործը, որոշել է մասնագիտություն ձեռք բերել հենց այդ ոլորտում։
Նա կարողացել է ընդունվել համապատասխան ֆակուլտետը և սովորում է առաջին կուրսում։ Ասում է, որ մեծ սիրով ու հետաքրքրությամբ է սովորում։ Նա նաև մեծ սիրով նար աշխատանք կաներ, քանի որ չի սիրում, երբ չի վաստակում։
Դիանա Մխիթարյանը, անդրադառնալով իր և Կարեն Ասլանյանի հավանական անհամաձայնության կամ համագործակցելը դադարեցնելու մասին տարածվող լուրին, ասել է, որ իրենք շարունակում են համագործակցել, իսկ աշխատանքային հարցերում բոլոր առանցքային որոշումները ընդունում է Կարենը։
Դիանան ասում է, որ Կարենը շարունակում է մնալ իր պրոդյուսերը։ Նա միառժամանակ որոշել է լռել, քանի որ չի ցանկանում ներկայանալ տիրող իրավիճակի պայմաններում, երբ բոլորը ենթարկվում են քննադատությունների։