Արցախյան պայքարը տվել է բազում հերոսներ, ովքեր կյանքի գնով են պաշտպանել հայրենի եզերքի անառիկությունը։ Այդ հերոսների անունների մեջ առանձնահատուկ տեղ են գրավում Գասպարյանների անունները։
Ռուստամ Գասպարյանն իր կյանքի ընթացքում հասցրել է փառահեղ կենսագրություն կերտել և մեծ հեղինակություն ձեռք բերել։ Նա իր բնույթով հայրենասիրության մարմնավորում էր։
Դեռ արցախյան առաջին ազատամարտի ժամանակ իր հերոսություններով աչքի ընկած Ռուստամ Գասպարյանը արցախյան երկրորդ պшտերազմին մասնակցել է իր խիզախ որդու՝ Ռաֆայելի հետ։ Հայրն ու որդին, ցավոք, անմահանում են հենց այդ մարտերի ժամանակ։
Ռաֆայելը բեկnրային վիրшվորում է ստանում և մահանում հենց տեղում, իսկ հորը՝ Ռուստամին, տեղափոխում են հիվանդանոց, սակայն կյանքը փրկել չի հաջողվում։ Ռաֆայել Գասպարյանն ընդամենը քսանվեց տարեկան էր։
Այսօր նրա ծննդյան հերթական տարեդարձն է, սակայն հարազատները, ցավոք սրտի, օրը նշանավորում են առանց նրա և բոլորովին այլ զգացողություններով։ Հայրն ու որդին հանգչում են ծննդավայրի՝ Ջանֆիդայի գերեզմանատանը։
