Առանց ձվի և կաթի մայոնեզը նրանց համար է, ովքեր փոխարինիչ են փնտրում դասական մայոնեզի համար։ Այս սոուսը մայոնեզի 100%-ոց փոխարինիչ չէ։ Այն տարբերվում է համով և թնդությամբ․ ավելի ջրիկ է։ Բացի այդ, զգացվում է ոլոռի համը, որը, ի դեպ, կարելի է փոխարինել պահածոյացված լոբիի հեղուկով։ Հետաքրքիր համադրություն է ստացվում ու հեչ անպայման չէ վերաբերել սոուսին որպես մայոնեզ։ Այսպես էլ է շատ համեղ։
Անհրաժեշտ է
Պահածոյացված ոլոռի հեղուկ՝ 100 գ
Բուսայուղ՝ 200 գ
Աղ՝ 1/3 թ/գ
Մանանեխ՝ 1/2 թ/գ
Քացախ 6%-ոց՝ 1 թ/գ
Շաքարավազ՝ 1 թ/գ
Պատրաստման եղանակը
Բանկայի մեջ լցնել ոլոռի հեղուկը և բուսայուղը։ Բլենդեռի ոտնակը դնել բանկայի հատակին և հարել 1-2 րոպե՝ չպոկելով ոտքը հատակից։ Ավելացնել աղ, շաքարավազ, քացախ, մանանեխ ու կրկին հարել։ Պատրաստի մայոնեզը պահել սառնարանում։
Լրիվ սառեցնելուց հետո այն ավելի խիտ կդառնա։