Եվրոպական Ազատություն ռադիոկայանը մի ուշագրավ և անչափ հուզիչ նյութ է պատրաստել վերջերս նշանադրված Վարազդատ Սանեյանի ու Սոնա Խաչատրյանի մասին:
Նյութի մեջ նշվում է, որ քսանյոթամյա Վարազդատը ստիպված է եղել եղբորը խնդրել նշանադրության մատանի դնել նշանածի մատին, քանի որ ինքը կորցրել է իր ձեռքերը Ադրեբեջանի դեմ մղվող պատերազմի ժամանակ:
Նյութի մեջ կադրեր են նորապսակների նշանադրությունից, խոսում են Սոնան, Վարազդատը, Վարազդատի մայրը: Ապա նշվում է, որ երիտասարդը գումար է հավաքում, որպեսզի կարողանա արհեստական վերջույթներ ձեռք բերել:
Հատկանշական է, որ այս նյութի ներքո բավականին հետաքրքիր մեկնաբանություններ են ծավալվել տարբեր ազգերի ներկայացուցիչների կողմից: Շատերը զույգին երջանկություն են մաղթել՝ նշելով, որ Վարազդատը մեծ գործ է արել հայրենիքի համար:
Բազմաթիվ են ադրբեջանցիների արձագանքները: Նրանք իրենց մեկնաբանություններում դարձյալ անդրադարձել են իրենց տարածքները գրավելու փաստին և նշել, որ դա չէր կարող իր հետևանքը չունենալ:
Ադրբեջանցիների նման արձագանքը քննադատության է արժանացել: