Այս տարվա Ամանորյա և Սուրբ Ծննդյան տոները չունեին ավանդական տոնականությունն ու բարձր տրամադրությունը: Բոլորի մոտ մտահոգ ու տխուր հոգեվիճակ է, ուստի շատերը խուսափել են տոնական ավանդական միջոցառումներից, մարդաշատ խնջույքներից:
Դերասանուհի Անի Քոչարյանը շատերի նման և շատերի հետ միասին Սուրբ Ծննդյան նախօրեին՝ հունվարի հինգի երեկոյան եղել է Եռաբլուրում՝ հարգանքի տուրք մատուցելու մեր անմահացած հերոսների անմար հիշատակին:
Այսօր դերասանուհի Նաիրա Դիլանյանն իր սոցհարթակում լուսանկար է հրապարակել՝ շնորհավորելով բոլորին Սուրբ Ծննդյան առիթով: Լուսանկարում Աշոտ Ղազարյանն է՝ իր սիրելի տիկնոջ՝ Մելանյայի հետ, Անի Քոչարյանն է, Նաիրա Դիլանյանն է և Լուսինե Մուրադյանը:
Մեկ այլ հայտնի դերասանուհի Անահիտ Կիրակոսյանն էլ Սուրբ Ծննդյան երեկոն ամուսնու հետ անց է կացրել խաղաղ միջավայում, մտերիմ ընկերների շրջապատում:
Նա ևս լուսանկարներ է հանրայնացրել իր սոցհարթակում: Նրանք ընտանեկան հանգիստ երեկոն ապահովել է Գինետուն ռեստորանը, որին էլ իր շնորհակալությունն է հայտնել Անահիտ Կիրակոսյանը:
