Անժխտելի ու հայտնի փաստ է, որ այս տարվա Ամանորը հայկական ընտանիքներում բոլորովին այլ խորհուրդ ու տրամադրություն ունի:
Համընդհանուր թախծոտ ու մտահոգ տրամադրությունները կապված են աշնանը տեղի ունեցած պատերազմի ու դրա հետևանքների, առկա անորոշ իրավիճակի հետ:
Եթե նախորդ տարիներին հայտնի ու անհայտ գրեթե բոլոր քաղաքացիները սոցհարթակներում ամանորյա տոնական ու գունագեղ լուսանկարներ էին տեղադրում, ապա այս տարի ամեն ինչ բոլորովին այլ է: Այս տարվա շնորհավորանքները շատ զուսպ ու համեստ էին:
Հանրային դեմքերից ոմանք ընդհանրապես զերծ մնացին ամանորյա թեմայով որևէ հրապարակում անելուց՝ նախընտրելով լռել, իսկ ոմանք էլ շնորհավորանքների և բարեմաղթանքների խոսք հնչեցնելիս առաջնային տեղը հայ զինվորին էին հատկացնում:
Ընտանեկան լուսանկարով շնորհավորական հրապարակում էին արել Արփի Գաբրիելյանն ու Միհրան Ծառուկյանը: Նմանօրինակ ընտանեկան լուսանկար էր հրապարակել նաև Սիրուն Մինասը:
Ինչպես հայտնի է, նախորդ տարի այս նորակազմ ընտանիքներում համալրում էր եղել. երկու ընտանիքում էլ տղա բալիկ էր ծնվել: