Այսօր բոլորում է հայտնի ու սիրված ասմունքող, դերասան, ՀՀ ժողովրդական արտիստ Արթուր Ութմազյանի ծննդյան յոթանասուներկուամյակը: Նա ծնունդով Երևանից է, բավականին հետաքրքիր ընտանիքի զավակ:
Ա. Ութմազյանի հայրը պատմաբան, պետական գործիչ Հայկարամ Ութմազյանն է, իսկ մայրն արտիստուհի է: Ա. Ութմազյանի մայրը դերասանուհի, հաղորդավարուհի Հրաչուհի Ջինանյանն է:
Ա. Ութմազյանը, ավարտելով ԵՊՀ-ի Բանասիրական ֆակուլտետը, սկսել է զբաղվել դերասանությամբ՝ կերտելով ուշագրավ ու հետաքրքիր դերեր: Նա հաճախ հանդես է եկել ինքնատիպ ու յուրօրինակ ասմունքով: Ընդ որում, նա ելույթներ է ունեցել ոչ միայն Հայաստանում, այլև արտերկրում:
Իր խոհական-պաթետիկ ոճով մատուցած ասմունքի, հաջողված բազմաթիվ դերերի համար դերասանն արժանացել է մի շարք մրցանակների և պարգևների: Նա հաճախ ասմունքում հանդես է գալիս դստեր՝ Հրաչուհի Ութմազյանի հետ միասին:
Արթուր Ութմազյանը բարձրաստիճան պետական այրերի կողմից արժանացել է ոսկե մեդալների, Մ. Խորենացու մեդալի և վարչապետի հուշամեդալի: Այժմ էլ դերասանը շարունակում է արդյունավետորեն զբաղվել իր գործունեությամբ: