Շուշան Պետրոսյանն, ինչպես հայտնի է, միառժամանակ երգերով հանդես չէր գալիս: Նա այսօր բացօթյա բացառիկ համերգ է ունեցել Երևանի սրտում՝ սիմֆոնիկ նվագախմբի երաժշտության ուղեկցությամբ: Համերգը կազմակերպվել է՝ համավարակի կանոնների հնարավոր պահպանմամբ:
Համերգի ընթացքում երգչուհին նոր երգ է հնչեցրել Արցախի մասին: Այն շատ հզոր ու խորիմաստ ստեղծագործություն է, որ ներկայացնում է Արցախի ամուր ոգին, չվախեցող էությունը:
Երգը շատ տպավորիչ ու գեղեցիկ է հնչեցրել երգչուհին, ով տարիներ շարունակ մոտիկից շփվել է արցախցիների հետ, ծանոթ է նրանց ոգուն ու խնդիրներին, ցավերին:
Երգում պատկերված է խրամատներում պայքար մղող տղաների տոկունությունը, համառությունը, աշխարհի առուծախ լինելու փաստը: Մինչդեռ մենք սերել ենք տապանից, վառվում է չոր ցախը, որը չունի արմատ, որի դեմ պայքար է մղում հայ զինվորը:
Շ. Պետրոսյանի նոր, հզոր ու գեղեցիկ այս կատարումը կարող եք ունկնդրել վարը կցված նյութի մեջ:
