Արմեն Հովհաննիսյանն անդրադարձել է վարչապետի նամակին, որն ուղղված է եղել Ռուսաստանի նախագահին, և այդ նամակի պատասխանին: Ա. Հովհաննիսյանը միանգամայն նորմալ է համարում ներկայիս պայմաններում նման նամակի ուղարկումը, ինչպես նաև դաշինքի հավատարմության մասին եկած պատասխանը:
Ա. Հովհաննիսյանը վստահ է, որ վարչապետը միանգամայն տիրապետում է իրավիճակին և հստակ գիտի, թե ինչն ինչի համար է անում, իսկ պատասխանը միանգամայն տեղավորվում է ներկայիս իրավիճակային տրամաբանության մեջ:
Ա. Հովհաննիսյանը խորհուրդ է տալիս վերլուծողներին ավելի զուսպ լինել կարծիքներ արտահայտելիս, իսկ նրանք, ովքեր միտումնավոր փորձում են իրավիճակը սխալ մեկնաբանել՝ սեփական կաշին փրկելու համար, Ա. Հովհաննիսյանը համարում է պահի օրհասական իրադրությունից օգտվող ստահակներ:
Ա. Հովհաննիսյանը հորդորում է շարունակել վստահել մեր միակ ու գերակա ուժին՝ բանակին, հայ զինվորին: Նա խորհուրդ է տալիս ամուր պահել թիկունքը, որ այն խառնակիչների պատճառով ճաքեր չտա, քանզի սա գոյության կռիվ է, մեր անկախության և հարատևության պայմանն ու գրավականը: