Որպես Արցախի գերագույն գլխավոր հրամանատար՝ ևս մեկ անգամ կոչ եմ անում

Արայիկ Հարությունյանը րոպեներ առաջ հանդես է եկել հատուկ ուղերձով՝ դիմելով հայությանը որպես Արցախի գերագույն գլխավոր հրամանատար: Նա Շուշիում է: Մտնելով քաղաքի Սուրբ Ամենափրկիչ եկեղեցի՝ նախագահը համբուրել է խաչը՝ հաղթանակի ակնկալիքով ու հավատով:

Հիշեցնելով արցախյան իննսունականների մարտերի ժամանակ Շուշիի դերը և դրա գրավումով մարտական գործողությունների եզրափակիչ, կուլմինացիոն փուլին հասնելը՝ Արցախի նախագահը հայտնում է, որ հակառակորդը լուրջ ռեսուրսներ է ներդրել քաղաքը գրավելու համար:

Շուշիի պաշտպանությունից է կախված մեր առաջիկա հաղթարժավը, քանի որ Շուշիին տիրելը նշանակում է հենց Արցախին տիրելը: Ուստի նախագահը բոլորին հրավիրում է ժամ առաջ քաղաքի պաշտպանությանը սեփական նպաստը բերելու:

Նա նշում է, որ իր ելույթը խուճապային չէ ամենևին, սակայն ցանկանում է, որ հստակ գիտակցվի պահի ճակատագրական լինելն ու կարևորությունը, քանի որ հակառակորդը քաղաքից գտնվում է հինգ կիլոմետր հեռավորության վրա:

Նախագահն առաջարկում է միավորել ուժերը՝ հակառակորդին Շուշիի դարպասների մոտ պատժելու համար:

Рейтинг
( Пока оценок нет )
Понравилась статья? Поделиться с друзьями:
error: Content is protected !!