Համեղ բալով թթվասերային տորթն իրոք հրաշալի է ստացվում։ Բիսկվիթե թխվածքաբլիթները՝ սավոյարդին, նույնն է, ինչ օգտագործվում է Տիրամիսու տորթի համար։
Անհրաժեշտ է
Բիսկվիթե թխվածքաբլիթ՝ 250գ
Ժելատինն 10գ
Կարագ՝ 170գ
Շաքարավազ՝ 170գ
Թթվասեր՝ 300գ
Յոգուրտ՝ 300գ
Կաթի սեր՝ 300մլ
Բալ թարմ, սառեցված կամ պահածոյացված՝ 500 գ
Օշարակի համար
Կաթ՝ 200գ
Շաքարավազ՝ 2-3 ճ/գ
Զարդարելու համար
Շաքարավազ՝ 1 ճ/գ
Բալ՝ առանց կորիզների՝ 10-15հատ
Կաթնային շոկոլադ՝ 50-100 գ
Պատրաստման եղանակը
Շաքարավազի վրա սառը կաթ լցնել, եփել թույլ կրակիվրա՝ վերածելով այն կարամելի։ Ժելատինի վրա ջուր լցնել՝ թողնելով ուռչի 10-15րոպե։ Ձևավորել տորթը՝ հավաքովի կաղապարում։ Դնել թխվածքաբլիթի շերտը, վրան լցնել կարամելային կաթը։ Հարել սերուցքը հարիչով և դնել սառնարանի մեջ։ Կարագը միավորել շաքարավազի կամ շաքարափոշու հետ և հարել՝ ներմուծելով թթվասերը և յոգուրտը, հալեցրած ժելատինը և լավ հարել։
Ներմուծել սառնարանի սերուցքը և միասեռ դարձնել։ Կրեմի մի մասը դնել թխվածքաբլիթի վրա, շարել բալի շերտը, ապա թխվածքաբլիթ դնել ու կրեմի մնացորդը։ Զարդարել բալերով և կաթի մեջ հալեցրած շոկոլադով։ Դնել սառնարանը՝ 4 ժամով։