Երեկ երեկոյան ժամը վեցից քիչ անց Արմավիրի մարզային տարածաշրջանում գտնվող Պտղունք համայնքում մեծածավալ հրդեհ է բռնկվել, որը ցավալիորեն մեծ վնասներ է հասցրել համայնքին ու համայնքի բնակիչներին:
Հայտնի է, որ հիմնովին այրվել ու մոխրացել է շուրջ տասը բնակելի տուն: Դեռևս հրդեհի բռնկման հիմնական պատճառ է դիտարկվում հոսանքալարերում եղած հոսանքային անկանոն տատանումները:
Տեղում աշխատել են ոչ միայն բազմաթիվ փրկարարական ջոկատներ, այլ նաև հոգեբաններ՝ ըստ անհրաժեշտության բնակիչներին հոգեբանական օգնություն ցուցաբերելով:
Ֆ. Ցոլակյանն ու այլ պաշտոնատար անձիք նույնպես ժամանել են Պտղունք համայնք՝ տեղում ծանոթանալով իրավիճակին: Հրդեհը մեկուսացնելու ու հանգցնելու աշխատանքները շուրջ երկու ժամ են տևել:
Քանի որ տներն ունեցել են ընդհանուր կտուր և իրար պիստ մոտ են դասավորված եղել, հրդեհի ծավալները մեծ արագությամբ են մեծացել:
Փրկարարական ու համայնքային բնակիչների ջանքերով այրվող տներից հաջողվել է դուրս հանել որոշ գույք: Բարեբախտաբար, բնակիչների շրջանում մարդկային կորուստ չկա: