Ուզբեկստանում լրիվ այլ միջավայր ու ազգային կանոներ են տիրում: Բոլորիս համար սովորական առօրյան այնտեղ այլ ընթացք ունի։ Համարվում է՝ որպես արևելյան ժողովուրդ հնուց եկած տղամարդիկ ավելի շատ գիտեն, նրանց պետք է հարգել, լսել և անել իրենց ասածի պես։ Այսինքն Ուզբեկստանում չկան հավասար իրավունքներ:
Կանայք, ամուսնությունից հետո, պետք է սպասարկեն տղամարդուն, կարողանան կենցաղ վարել, մաքրասեր լինեն և երեխաներին դաստիարակեն: Կանայք իրավունք չունեն տոներին մի սեղանի շուրջ նստել տղամարդկանց հետ։
Համարվում է՝ կինը չպիտի նստի տղամարդկանց կողքին, որպեսզի չլսի նրանց խոսակցությունները։ Այդ դեպքում կինը կհամարվի հավասար տղամարդուն, ինչն անընդունելի է նման հասարակությունում։
Ուզբեկստանում կանանց իրավունքները խախտվում են յուրաքանչյուր քայլափոխի՝ սկսած կրթություն ստանալու իրավունքից։ Հիմանականում աղջիկներին շուտ են ամուսնացնում ու նոր ընտանիք ճանապարհում։ Ուզբեկների մոտ անգամ գերեզմաներն են առանձին տարածքների վրա՝ կանանց և տղամարդկանց գերեզմաններ:
