Չնայած աղմուկ հանած նախորդ այսօրինակ դեպքերի փաստին, մանկավաճառության դեպքերը Հայաստանում, ցավոք սրտի, շարունակվում են: Այս անգամ դեպքը տեղի է ունեցել Մասիսում: Մասիսցի մի տիկին նախորդ տարվա ապրիլ ամսին տղա բալիկ է ունեցել:
Նա երևանաբանկ ամուսինների հետ պայմանավորվել է ու երեխայի մեկ տարին լրանալուց հետո այս տարվա մայիսին կազմակերպել իր փոքրիկ տղայի վաճառքը: Նրանք որպես վաճառքի գումար համաձայնության են եկել հինգ հարյուր հազար դրամի շուրջ:
Մայիսին երևանաբնակ ամուսինները մասիսիցի տիկնոջը տվել են գումարի մի մասը՝ երկու հարյուր հազար, նրա հետ գնացել են Մասիսի ՔԿԱԳ, որտեղ երևանաբնակ տղամարդը ճանաչել է փոքրիկի հայրությունը:
Երեխային տանելուց հետո ամուսինները մասիսցի տիկնոջը հետո երկու անգամ ևս հիսուն հազար դրամ գումար են տվել:
Մասիսի ոստիկանության աշխատանքային գործունեության արդյունքում մասիսցի տիկինը խոստովանական գրություն է տվել, որտեղ պատմել է եղելությունը՝ նշելով, որ իրեն գումարն ամողջությամբ չեն վճարել:
