«Ձայնը» հայտնի նախագծի ուկրաինական տարբերակում իր հրաշալի ելույթով փայլել է մեր հայրենակից Նարեկ Գևորգյանը: Կույր լուսումների և մյուս փուլերի փորձությունները հաջողությամբ հաղթահարելով՝ Նարեկը հասնում է դուետների փուլ:
Այս փուլում նա հանդես է գալիս ուկրաինուհի Կատյա Չիլիի հետ: Տեղի է ունենում մի ֆանտաստիկ երաժշտական ներկայացում, որից փշաքաղվում և քարանում է ողջ դահլիճը: Երկու տարբեր ազգերի երգերի համատեղումով մի յուրօրինակ երկխոսություն է տեղի ունենում:
Հրաշալի կատարողների միջոցով միմյանց հետ երկխոսության են մտնում հայկական և ուկրաինական երգերը՝ հաջողությամբ ներդաշնակվելով իրար հետ շնորհիվ կատարողների վարպետության:
Կատյան կատարում է «Մեսյաց» ուկրաինական երգը, իսկ Նարեկը՝ «Ով սիրուն, սիրուն» հայկական հայտնի ու գեղեցիկ երգը: Նրանք միասին երկխոսության մեջ են մտնում՝ խոսելով երաժշտության լեզվով:
Ժյուրիի անդամները, իրենց զգացողությունների մասին կիսվելով, նշում էին, թե այնպիսի զգացողություններ ունեին, կարծես թե երգում էին երկիրն ու սարերը:
Այս ֆանտաստիկ երաժշտական ներկայացումն առաջարկում ենք վայելել ստորև:
