Հակոբ Արշակյանն իր սոցցանցային էջում մի շատ ցավալի տեղեկություն է հանրայնացրել: Նա մեծ կսկիծով հայտնել է ՏՏ ոլորտի ակնառու ու առաջատար դեմքերից մեկի՝ Կարեն Վարդանյանի անժամանակ վախճանի մասին:
Ավարտելով Երևանի պոլիտեխնիկական ինստիտուտը՝ նա ավելի քան քսանհինգ տարի ակտիվորեն ու արդյունավետորեն զբաղվել է ՏՏ ոլորտի զարգացմանն ուղղված գործունեությամբ՝ այդ տարիների ընթացքում հեղինակելով յոթ գյուտեր:
Ընդամենը հիսունյոթամյա Կ. Վարդանյանը կյանքից հեռացել է անսպասելի բոլորի համար: Անժխտելի և անգնահատելի է նրա ներդրումը հայ իրականության մեջ տեղեկատվական տեխնոլոգիաների զարգացման գործում:
Հ. Արշակյանը նշել է այն ոլորտները, որտեղ Կ. Վարդանյանը բացառիկ ու չտեսնված հաջողությունների է հասել՝ ԱՏՁՄ, Դիջիթեք էքսպո, Արմաթ լաբորատորիաներ, Դիջիթեք բիզնես ֆորում և այլն:
Կ. Վարդանյանի մեծ ջանքերի, իմացության շնորհիվ մեր երկիրը փայլուն կերպով մասնակցել է ՏՏ ոլորտին առնչվող համաշխարհային կոնգրեսների և մի շարք կարևորագույն նախագծերի: