Այսօր հայ պարի թագուհու՝ Սոֆի Դևոյանի ծննդյան օրն է: Հոգու հետ մարմինը ներդաշնակելու վարպետ Սոֆի Դևոյանը նշում է ծննդյան յոթանասունմեկամյակը:
Անժխտելի, անհերքելի է Ս. Դևոյանի թողած մեծ ավանդը ժամանակակից հայ պարարվեստի զարգացման գործում:
Նրա կյանքի բազմաբովանդակ ուղու հիմնական լուսատուն հենց պարարվեստն է եղել, որին էլ կյանքն ու միջոցները նվիրել է պարուհին:
Ս. Դևոյանի հիմնած պարային հատուկ դպրոցը բարձրորակ ու ճիշտ պար է ուսանում մեծացող սերնդի ներկայացուցիչներին՝ նրանց ավելի պրոֆեսիոնալ պարարվեստին մոտեցնելով:
Բացի մասնագիտական հաջողությունները, Ս. Դևոյանը հասել է նաև անձնական, ընտանեկան կյանքի այն երևելի ներդաշնակությանը, որի մասին կարող է երազել ցանկացած կին:
Նա կարողացել է ստեղծել ընտանեկան այնպիսի ջերմ օջախ, որի ներքո սիրով ապրում և իրենց ստեղծագործական գործունեությամբ են զբաղվում տարբեր ոլորտի արվեստի ներկայացուցիչներ:
Պարուհու ինքնատիպ կերպարն ու ոճային ներկայացումը ասպարեզում բացառիկ ու անկրկնելի իրողություն է, հրաշալի օրինակ:
