Լավագույն աղանդերը՝ բաժակների մեջ՝ իտալական հայտնի «Տիրամիսու» աղանդերի հիման վրա: Կրեմը և փափուկ թխվածքաբլիթը՝ մի փոքր սրճի համով։ Իզուր չէ, որ տիրամիսուն համարվում է աշխարհի ամենահամեղ աղանդերներից մեկը: Այս բաղադրատոմսը հեշտացված է, քանի որ կրեմն ավելի հասանելի բաղադրիչներով է պատրաստվում: Անպայման փորձեց պատրաստել այս աղանդեը, այն նուրբ է, ունի անկրկնելի բալանսավորված համ։ Նույնիսկ նրանք, ովքեր չեն սիրում սուրճի համը, հիացած կլինեն այս աղանդերի համով:
դ
Անհրաժեշտ է
Շաքարավազ՝ 60 գ
Ձու՝ 2 հատ
Աղ՝ 1 պտղունց
Ալյուր՝ 45 գ
Օսլա՝ 15 գ
Շաքարի փոշի՝ 50 գ
Սուրճ՝ 1 թ/գ
Ջուկ՝ 150 մլ
Սերուցք 33 %-ոց` 350-400 գ
Վանիլին` 10 գ
Կակաո` զարդարելու համար
Պատրաստման եղանակը
Ձուն հարել շաքարավազով և աղով՝ մինչ սպիտակ զանգված դառնա։ Կարելի է առանձին հարել սպիտակուցը, շաքարավազի կեսով և դեղնուցը՝ մյուս կեսով, եթե համոզված չեք, որ ձեր հարիչը հզոր է: Օսլան և ալյուրը խառնել և ներմուծել ձվային զանգվածի մեջ՝ զգույշ խառնելով ներքևից վերև։ Հրուշակեղենի պարկի միջոցով երկարավուն թխվածքաբլիթներ ձևավորել՝ 1 սմ լայնությամբ և 10-12 սմ երկարությամբ:
Վերևից ցանել շաքարի փոշի և թխել 180 աստիճանի ներքո՝ 15 րոպե: Թխվածքաբլիթը պետք է լինի չոր ներսից և խրթխրթան դրսից: Թողնել սառչի: Սուրճ պատրաստել: Սերուցքը հարել վանիլինի հետ: Թափանցիկ բաժակի մեջ շերտերով դնել սերուցքը, ապա թխվածքաբլիթը:
Թխվածքաբլիթը նախապես սուրճի մեջ իջեցնել՝ ընդամենը 1 վայրկյանով: Բաժակի վերևը գեղեցիկ բուրգիկներ ձևավորել կրեմից և վրան ցանել կակաո: