Համացանցում տարածվել է ճապոնական իրական հրաշք տեսանյութ, որն ապշեցրել է բոլորին՝ դառնալով բուռն քննարկումների առարկա։ Խոսքը վառվող շարժիչով թռչող ինքնաթիռի անվտանգ վայրէջքն է։
Ճապոնական ավիաընկերություններից մեկին պատկանող Boeing 767 ինքնաթիռն արտակարգ վայրէջք է կատարել՝ զարմացնելով ու հիացնելով ականատեներին։ Այն չվերթ էր իրականացնում Տոկիոյի Ֆուկուոկա օդանավակայանից։
Կարծես անհավատալի է այդ ամենը, բայց ո՛չ, իրականություն է ամենը։ Հմուտ օդաչուն կարողացել է հրաշք կերտել։ Օդում ինքնաթիռի աջ շարժիչն սկսել է այրվել, բայց օդաչուն չի կորցրել տիրապետումը և արտակարգ վայրէջք կատարել մեկ ժամ անց՝ փրկելով ինքնաթիռում եղած 270 ուղևորի և 8 անձնակազմի անդամ։
Հերոս մարդ է իրապես՝ իր մասնագիտությանը գերազանց տիրապետող։ Կարծես անիրական է այն ինչ կատարվել է, բայց օդաչուն հրաշք է արարել։ Օգտատերերը նույնպես զարմացած են։ Նրանք անվերջ գրում ու հիանում են սխրանքի հեղինակով՝ նշելով, որ եթե նա ճիշտ չվարվեր, զոհերից և տուժածներից խուսափել հնարավոր չէր լինի։
