Մասնագիտությամբ բժիշկ, բայց ակտիվորեն հասարակական տեսակետներ արտահայտող Հ. Մանասյանն անտարբեր չի անցել նաև գույքահարկի հետ կապված նոր օրենքի ու դրա շուրջ ծավալվող ֆլեշմոբերի կողքով: Օրենքով նախատեսվում է առավել բարձր գույքահարկ սահմանել մայրաքաղաքային կենտրոնական հատվածի բնակիչների համար:
Օրենքին դեմ դուրս եկած քաղաքացիները ֆլեշմոբ են կազմակերպել, որի առանցքում շեշտվում է իրենց բնիկ լինելու հանգամանքը: Նրանք կարծում են, որ օրենքի պատճառով շուտով իրենք կունեզրկվեն ու կհայտնվեն մայրաքաղաքի ծայրամասերում՝ կորցնելով իրենց պապերից ստացած ժառանգությունը:
Այս ֆլեշմոբն առաջ բերեց շատերի բարկությունն ու քննադատությունը, քանի որ մարդիկ իրենց վիրավորված էին զգում ստեղծված իրավիճակում: Հ. Մանասյանը, մի քանի գրառումներով հարցին անդրադառնալով, պահանջել է ցույց տալ երևանցի բնկիների պատվին կանգնեցված արձաններ, կամ նրանց անուններով կոչված շինություններ ու փողոցներ:
Նա գրառումը եզրափակել է այն մտքով, որ քաղաքը բոլորինն է ու քաղքենիություն է այդօրինակ ձևակերպումներ տալը: Գրառումը՝ կից:
