Առկա իրավիճակով պայմանավորված՝ բազմաթիվ քննարկումների արդյունքում նոր օրենք է ընդունվել մայրաքաղաքային մանկապարտեզների աշխատանքի կազմակերպման մասին:
Որոշվել է կրճատել փոքրիկներին ընդունող մանկապարտեզների քանակը միառժամանակ՝ յուրաքանչյուր տարածաշրջանի համար թողնելով մեկը: Հարակից մանկապարտեզների սաները, ըստ նոր ընդունված որոշման, կարող են օգտվել այդ մեկ գործող մանկապարտեզից:
Հանրայնացվել են նաև այն հերթապահ մանկապարտեզների ցանկը, որոնք պետք է բալիկների ընդունեն: Սույն ցանկը ներկայացված է ստորև կցված գրառման մեջ:
Բազմաթիվ ծնողներ իրենց անհանգստությունն են արտահայտել այդ առումով՝ նշելով, որ երեխաների միջավայրը փոխվում է, ինչպես նաև գործող մանկապարտեզը շատերի տներից ավելի հեռու է ստացվում:
Այնուամենայնիվ, քաղաքապետարանից լրացուցիչ հայտարարություն են հանրայնացրել, որում մեկնաբանվում է, որ իրենց որոշումը բխում է բացառապես հանրային շահից, քանի որ այդպիսով ավելի քիչ թվով աշխատողներ ստիպված կլինեն աշխատելու, իսկ աշխատողների մյուս մասը կմնա տանը՝ շարունակելով ստանալ իր պետական աշխատավարձը:
Բացի աշխատողներին վարակի ռիսկայնությունից հեռու պահելը՝ քաղաքապետարանն այս քայլով նպատակ ունի աջակցել նաև աշխատող ծնողներին:
