Հայաստանում Ամերիկյան համալսարանի դասախոս Հովսեփ Պատվականյանն ուշագրավ սոցցանցային գրառում է արել՝ պատմելով վերջին շրջանում իր և ընտանիքի հիվանդության ու ծանր ապրումների մասին:
Հ. Պատվականյանն ու իր ընտանիքը չեն կարողացել խուսափել համավարակից: Դեռ տասներկու օր առաջ նրանց մոտ հաստատվել է վիրուսը: Այն բավականին ծանր ընթացք է ունեցել՝ ուղեկցված բոլոր ախտանշաննեորվ՝ համի, հոտի բացակայություն, թոքաբորբ, տաքություն, շնչառական դժվարություններ…
Հ. Պատվականյանը գրել է, որ այդ դժվարին շրջանը հաղթահարել կարողացել են բժիշկների բարեխիղճ ու հոգատար ջանքերի և օպերատիվ շտաբի խնամքի, ուշադրության ու արագ արձագանքման շնորհիվ:
Հ. Պատվականյանի համար մեծ նշանակություն է ունեցել զգացողությունը, որ թիկունքին պետություն է կանգնած, իսկ կողքին՝ սրտացավ մարդիկ:
Սակայն նրա համար ցավալի է նաև այն, որ հակահամաճարակային այս պայքարում որոշ «քաղաքական» ուժեր հակաքարոզ են տանում տարբեր առիթներով՝ հորդորելով դիմակ չկրել, թերթիկ չլրացնել և այլն: Հ. Պատվականյանը նշում է, որ բանը հասել է այնտեղ, որ նրանք նույնիսկ հարևաններին հորդորել են իրենց վրա հարձակվել վարակված լինելու համար:
«Պանդեմիան կանցնի, բայց պատմությունը Ձեզ կհիշի, որպես հակապետական և ապազգային անհատների»,- գրառումը եզրափակել է Հ. Պատվականյանը:
