Կիրակնօրյա առավոտը բարի չէր ծառուկյանական թևի ներկայացուցիչների համար: Օրը սկսվեց նախ Գ. Ծառուկյանի տան խուզարկությամբ, ապա նաև կուսակցության ղեկավարին ուղեկցեցին հարցաքննության, ինչն էլ ակցիայի ու ցույցի առիթ դարձավ:
Ամբողջ օրը Ծառուկյանի կողմնակիցները ԱԱԾ շենքի մոտ կուսակցության առաջնորդին իրենց օժանդակությունն էին հայտնում, ինչը պարբերական քաշքշուքներով էր ուղեկցվում:
Մինչ լրատվամիջոցները լուսաբանում էին Խանջյան-Նալբանդյան փողոցներում տեղի ունեցող իրադարձությունները, ԱԱԾ-ն մի քանի հայտարարություններ էր հանրայնացնում Գ. Ծառուկյանին առաջադրված մեղադրանքների հիմքերի մասին:
Ուշ երեկոյան Գ. Ծառուկյանը դուրս եկավ հարցաքննության վայրից, իսկ իրեն հարց ուղղած լրատվամիջոցներին հայտնեց, որ իրադարձությունները որակում է քաղաքական, քանզի դրանք հաջորդել են իր հայտարարությանը:
Նա նշեց, որ եթե իր հայտարարությունը չլիներ, հավանաբար այսպիսի դեպքեր չէին լինի: Մինչ այդ Ալեն Սիմոնյանը հայտնել էր, որ Գ. Ծառուկյանն իր հայտարարությունն արել է՝ իմանալով իր հանդեպ տարվող քրեկան գործերի մասին:
Գ. Ծառուկյանի՝ դուրս գալուց հետո արված հայտարարությանը կարող եք ծանոթանալ կից:
