Ամառային եղանակը Սևանա լճի տարածքում լրացուցիչ հսկողության առիթ է դառնում, սակայն հսկողությունը չի բացառում դժբախտ դեպքերի գրանցումը:
Հերթական ցնցող ու ցավալի դեպքը գրանցվել է այսօր՝ լողալու համար լողափ մեկնած երկու տղաների հետ: Փրկարարական ծառայությունից հայտնում են, որ անդառնալի հետևանքով հանգուցալուծված դեպքը տեղի է ունեցել կեսօրին մոտ:
Երեք ընկերներ, ովքեր տասնվեց տարեկան են, գնացել են լիճ, որպեսզի լողան, սակայն նրանց այդ ցանկությունը անդառնալի ավարտ է ունեցել: Նրանցից երկուսը ջուրն են ընկել, իսկ երրորդն ականատես է եղել այդ ցավալի տեսարանին:
Նա անմիջապես զանգել է Սևանի ջրափրկարարական ջոկատի հրամանատար Արմեն Ճզմաչյանին, ով էլ անմիջապես մտել է ջուրը տղաներին հանելու:
Մինչ տղաներին ջրից կհանեին, նրանք արդեն ջրահեղձ են եղել, նրանց կյանքը փրկել չի հաջողվել: Տղաները 2004 թվականի ծնունդ էին, հասակակիցներ:
Մարզային փրկարարական ջոկատները ևս դեպքի վայր են ուղևորվել անմիջապես, սակայն որևիցե բան անելն անհնար է եղել:
