Թագավարակային տարածվածության արագությունը օրվա խոսակցությունների բացարձակ ու կիակ թեման է: Թվում է՝ շատ-շատերը, թողնելով ամեն ինչ և իրենց բուն գործընթացը, լծվել են քննարկումներով այս դժվարագույն հարցը լուծելու գործին:
Մինչ համացանցային թեժացող քննարկումներ են ընթանում, մշակութային դաշտում մի կարևոր իրադարձություն է կատարվել, որի մասին հանրայնացրել է ԿԳՄՍ նախարարն անձամբ:
Նախարարը գրառմամբ տեղեկացրել է, որ մեր հայրենակցուհի Ն. Մարտիրոսյանի նկարահանած ֆիլմն Արցախի ու արցախահայության մասին ներառվել է Կաննի միջազգային 73-րդ փառատոնի համապատասխան անվանակարգում:
Նախարարը տեղեկացնում է, որ այսօրինակ իրողությունն աննախադեպ է անկախությունից ի վեր: Իրողության կարևորությունն առավել ընդգծելի է դառնում, երբ հաշվի ենք առնում, որ ֆիլմը անուղղակիորեն միջազգային հանրությանը պատմում ու ծանոթացնում է Արցախի ու արցախահայության հետ:
Ֆիլմի գլխավոր հերոսը օդակայանների աուդիտոր Ալենն է, ով հայտնվում է Արցախում և բացահայտում այն: Ֆիլմի արարման մեջ իր ներդրումն է ունեցել նաև ԿԳՄՍ նախարարությունը:
