Երեկոյան համացանցային դաշտը եռում էր նոր թեմատիկ զարգացումների առիթով: Քաղաքական հայտարարությունները նոր խոսակցություններ առաջ բերեցին նոր կոնտեքստում:
Մասնավորապես Գ. Ծառուկյանի կազմակերպած հանդիպումն ու կառավարությունն ամբողջապես փոխելու համար համախմբվելու կոչերն էին խոսակցությունների առանցքում:
Նրա հայտարարությանն արձագանքներ եղան Լ. Մակունցի, վարչապետի մամլո խոսնակի և այլ իմքայլականների կողմից՝ հայտարարությունը մեկնաբանելով որպես սկսված գործընթացների հակազդեցության և մտահոգության դրսևորում:
ՀՀ տրանսպորտի, կապի և տեղեկատվական տեխնոլոգիաների նախարար Հակոբ Արշակյանը ևս սոցցանցային գրառմամբ անդրադարձ է կատարել թեժացող քաղաքական զարգացումներին՝ նշելով, որ պետության վերակառուցման ճանապարհին հանդիպել ու հանդիպում են պետականությունից խոսող դավաճաններ, ովքեր իրականում հայրենիք են վաճառում:
Նախարարը նշել է, որ բոլոր խոչընդոտներով հանդերձ իրենք շարունակում են առաջ ընթանալ, քանզի պետության կառուցումը օրերի գործ չէ, այն մշտական գործընթաց է: Նա նշել է, որ ՀՀ քաղաքացիների արդյունքում կատարված ընտրության արդյունքում ասպարեզում գտնվող պետական գործիչները քայլ առ քայլ կառուցում են երկիրը:
