Այս Ամենախնձորային պիրոգն ստացվում է նուրբ, փափուկ ու հյութեղ՝ շնորհիվ խնձորի մեծ քանակության, ինչպես միջուկում, այնպես էլ խմորում։ Համով շատ նման է տատիկի պատրաստած պիրոգներին։ Այն կարծես մանկության համն ունենա՝ տաքուկ երեկոների, տատիկի հետ թեյախմության, անձրևային եղանակին պատուհանից նայելու ու ջերմ մթնոլորտը վայելելու։
Անհրաժեշտ է
Ձու՝ 2 հատ
Շաքարավազ՝ 120 գ
Խնձոր կտրատած՝ 175 գ
Ալյուր՝ 250 գ
Բուսայուղ՝ 50 գ
Փխրեցուցիչ՝ 1 թ/գ
Խնձոր մեծ՝ 2 հատ
Շաքարի փոշի՝ ըստ ճաշակի
Դարչին՝ 1/3 թ/գ
Պատրաստման եղանակը
Խնձորի պյուրե ստանալուն միտված կեղևազրկած ու մանր կտրատած խնձորը եփել 15 րոպե 50 մլ ջրի մեջ՝ մինչ հեղուկը կգոլորշիանա և վերածել պյուրեի։ Ձուն հարել շաքարավազով՝ մինչ սպիտակություն՝ ավելացնելով բուսայուղն ու սառեցրած խնձորի պյուրեն, ապա ալյուրա-փխրեցուցիչային խառնուրդը։ Հարել հարիչով՝ մինչ միասեռ դառնա։
Խնձորները բարակ շերտատել։ Յուղված կաղապարը պատել խմորի կեսով, շարել խնձորները, վրան լցնել մյուս կեսը։ Թխել 180 աստիճանում՝ 40-70 րոպե։
