Հայտնի է, որ երեկվանից Հայաստանի պաշտոնյաների մի մասը գտնվում է Արցախում: Այսօր երեկոյան նրանք արդեն բռնել են Հայաստանի ճամփան, սակայն անտարբեր չեն կարողացել գտնվել արցախյան չքնաղ բնաշխարհի ու ճանապարհային գեղեցկությունների հանդեպ:
Ոմանք լուսանկարներ են արել և հետաքրքիր գրառումներով հրապարակել սոցցանցային իրենց էջերում: Ներկայացնենք դրանցից առավել ուշագրավները:
Քաղաքապետ Հայկ Մարությանը, «Ես սիրում եմ Ստեփանակերտը» գրառման կողքին նկարվելով ու լուսանկարը սոցցանցային իր էջում հրապարակելով, գրել է, որ Հայաստան է վերադառնում արցախյան արևի ու դրական էներգիայի նոր ուժերով լիցքավորված:
Արարատ Միրզոյանը ռոմանտիկ գրառում է արել՝ հրապարակելով իր և կնոջ լուսանկարն արցախյան լեռների համապատկերում: Նա գրել է, որ տասնվեց տարի առաջ այդ աղջկան հենց այդտեղ է գտել:
Կինը՝ Գոհարը, իր հերթին նույն տեսարանից մեկ այլ նկար է հրապարակել՝ գրելով, որ դա հենց այն պահն է, երբ Արարատն ասել է իր գրառման մեջ նշած արտահայտությունը:
