Ծավալուն ֆեյսբուքյան գրառմամբ Ա. Դանիելյանը նախ խոսել է որդու բնավորության, իր և որդու նմանությունների մասին, ապա դրվագային նկարագրություններով անդրադարձել իր ու Ալեն Սիմոնյանի միջև տեղի ունեցած միջադեպին:
Նա գրառման մեջ նախ թվարկել է, թե ովքեր են իրեն պաշտպանել և աջակցել այդ միջադեպից հետո՝ ոմանց առաջ իրեն մեղավոր զգալով, քանզի ժամանակին նա նրանց հետ նույն կերպ չի վարվել:
Նրան սատարողների թվում են եղել Սերժ Սարգսյանի աջակիցները, իսկ նա ժամանակին չի գնացել մասնակցելու Ս. Սարգսյանի աջակիցների՝ դատարանի դիմաց կազմակերպած ակցիային, ու մի բան էլ հետո ծաղրել ու քննադատել է կազմակերպչական որոշ դրվագներ:
Նրան սատարել են Ռ. Քոչարյանի աջակիցները, իր ծանոթներից շատ-շատերը, որոնց հանդեպ ինքը ժամանակին խիստ ու աննրբանկատ է եղել: Այս հանգամանքը նրան մտորելու մեծ առիթ է տալիս:
Ա. Դանիելյանը նաև գրել է, որ պատրաստ է դադարեցնել սկսած գործընթացը, եթե հակառակ կողմը խոստովանի, որ կանոնավոր կերպով արդեն մի քանի տարի իր դեմ ֆեյքային անազնիվ պայքար է տարել: Եթե այսօրինակ բան չլինի, ապա նա խոստանում է այլ ընթացք: Սույն գրառումը՝ ստորև:
