Կորոնավիրուս կոչվող համաշխարհային աղետը, որ այժմ շարունակում է իր լայն տարածումը, այժմ ամենից ակտիվ տարածման փուլում է գտնվում հատկապես Ռուսաստանում: Այսօր նախ ռուսական, ապա նաև միջազգային ողջ մամուլը սկսեց լայնորեն շրջանառել այն տեղեկությունը, որ վարչապետ Միխայիլ Միշուստինը վարակվել է թագավարակով:
Ընդ որում, լրատվամիջոցները հայտնում են, որ վարչապետն անձամբ է այդ մասին տեղեկացրել նախագահին: Ինքնամեկուսացման գնալով՝ վարչապետը առաջարկել է իր փոխարեն ժամանակավոր պաշտոնակատար նշանակել Անդրեյ Բելոուսովին:
Իսկ մինչ իր լիակատար ապաքինումը վարչապետը հայտարարել է, որ չնայած մեկուսացմանը, նա պատրաստվում է ակտիվ հեռախոսային կապ պահել իր աշխատակիցների և գործընկերների հետ՝ չկտրվելով քաղաքական գործընթացներից:
Ի պատասխան վարչապետի հայտարարության՝ Պուտինը նրան առողջություն է մաղթել:
Հիշեցնենք, որ դեռ երեք օր առաջ իր վարակվելու մասին հայտնել էր նաև Մեծ Բրիտանիայի՝ նրա պաշտոնակիցը՝ վարչապետը: Նա նախապես գտնվել էր ինքնամեկուսացման մեջ մինչ վարակվածության պաշտոնական հաստատումը և աշխատում էր այդ պայմաններում: