Հեռուստադիտողների համար արդեն բավականին սիրելի և մեծ դիտողականություն ունեցող «Անատոլիական պատմություն» հեռուստասերիալն ունի աշխարհագրական լայն ընդգրկումներ: Այն նկարահանվել է տարբեր երկրներում, շարունակվում են նկարահանման գործընթացները:
Հեռուստասերիալի գլխավոր կերպարներից մեկին կերտած Խորեն Լևոնյանն իր էջում լուսանկարներ է հրապարակել հեռուստասերիալի նկարահանման հրապարակից:
Նա նշել է, որ նկարները Ֆրանսիայում են արվել: Լուսանկարներում նա ֆրանսիահայ հայտնի դերասան Ս. Ավետիքյանի հետ է, ով ֆիլմում նրա հոր՝ Ղազիի դերակատարն է:
Հեռուստասերիալի ընթացքին մեծ ուշադրությամբ են հետևում շատերը: Այն ոչ միայն իր թեմատիկայով և սցենարային որակյալությամբ է գերել հեռուստադիտողներին, այլ նաև տեսարանների և նկարահանման աշխարհագրության լայն ընդգրկումներով:
Դերասանական խաղն ու պրոֆեսիոնալիզմը ևս մեծ դերակատարում ունի ֆիլմի սիրված լինելու հանգամանքի մեջ:
Այն հոգեհարազատ է մեր ժողովրդին, քանզի հրաշալի ու բազմակողմանիորեն ներկայացնում է մեր ազգային տխուր պատմության էջերից ամենից խնդրահարույց կետերից մեկը:
