Համացանցային օգտատերերը շրջանառության մեջ են դրել տարիներ առաջ տեղի ունեցած մի հեռուստանախագծից հատված, որտեղ իր մասնակցությունն է բերել Ալեն Սիմոնյանը: Հեռուստանախագիծը ժամանակին հեռուստաեթերի ամենառեյտինգային նախագծերից էր, որն անվանվում էր «Երբ պարում են աստղերը»:
Այս հեռուստանախագծին իրեն մասնակցություն էին բերել շատ հայտնի աստղեր, ովքեր առանձնապես կապ չունեին պրոֆեսիոնալ պարի հետ՝ զուտ էքսպերիմենտալ հետաքրքրության համար: Ա. Սիմոնյանի պարային զույգը Լիլիթ Պողոսյանն է եղել:
Նրանք միասին ներկայացրել են «Սալսա» կոչվող տաք պարը: Պարի բեմադրության ժամանակ Ալեն Սիմոնյանը ոչ միայն պարում ու բեմադրում է պարը, այլ նաև հրաշալիորեն զգում պարն իր էմոցիաներով, ինչես հետո վերլուծելիս փաստում են հաղորդավարները՝ մասնավորապես Ռաֆոն:
Պարային բեմադրության ավարտին Ալեն Սիմոնյանը ժյուրիի կին ներկայացուցիչներին ծաղիկներ է բաժանում, որն էլ հետո հաղորդավարները հումորով կաշառք են համարում և արձանագրում փաստը որպես ժյուրիին սիրաշահելու փորձ:
Ի վերջո պարային զույգը ստանում է բավականին բարձր միավորներ:
