Նախարարության այսօրվա հրապարակումը բավականին անհանգստացնող ու մտահոգիչ է, քանզի մեկ օրվա հաստատված դեպքերի քանակն անցել է հարյուրի սահմանը, իսկ ընդհանուր հաստատված դեպքերի թիվն արդեն հատել է երկու հազարի սահմանը:
Սա շատ լուրջ անհանգստության առիթ է, մանավանդ եթե հաշվի առնենք, որ փողոցները մարդաշատ են, իսկ շատրեը չունեն պաշտպանիչ դիմակներ ու ձեռնոցներ:
Գրանցվել է կորոնավիրուսային վարակից վրա հասած ամենաերիտասարդ մահացության դեպքը. քաղաքացին քառասունյոթ տարեկան է եղել: Ինչպես Ա. Նիկողոսյանն է նշել, նա ունեցել է խրոնիկ ուղեկցող հիվանդություն:
Մյուս մտահոգիչ դեպքն այն է, որ մահացածներից մեկի մոտ մահը վրա է հասել վիրուսից, բայց նա չի ունեցել ոչ մի ուղեկցող հիվանդություն: Այդ քաղաքացին էլ վաթսունինը տարեկան է եղել:
Հիմա փաստացի բուժում ստացողների թիվը անցնում է հազարի սահմանը: Ա. Թորոսյանը այս հարցը բարձրացրել է նաև կառավարության նիստի ժամանակ՝ նշելով, որ հնարավոր է հինգ-վեց օր անց այլևս հնարավոր չլինի բոլորին հոսպիտալացնել:
