Արարատի մարզի գյուղերից մեկում՝ Աբովյանում կորոնավիրուսային վարակի տարածման ալիք է բռնկվել: Գյուղի ընտանիքներից մեկի անդամն աշխատել է Էրեբունի բ/կ-ում, որտեղ էլ վարակվել է վիրուսով: Նրանից վարակվել են նաև նրա ընտանիքի մյուս անդամները:
Ընտանիքում ավարտական դասարանի աշակերտ է եղել նաև: Մինչ կբացահայտվեր, որ ընտանիքում վիրուս կա, աշակերտը մասնակցել է ավարտական վինետկայի նկարահանման դպրոցական միջոցառմանը, ինչ պատճառով էլ դպրոցի ողջ անձնակազմն ու համադասարանցի աշակերտները դարձել են կոնտակտավոր:
Համայնքի ղեկավար Ավետիք Հարությունյանը լրատվամիջոցներին տեղեկացրել է, որ նրանց բոլորին մեկուսացրել են: Հայտնի է, որ նրանցից ոմանք այժմ ծաղկաձորյան մեկուսարաններում են գտնվում:
Իսկ դպրոցի տնօրեն Մարիետտա Գրիգորյանը դպրոցում իրենց և աշակերտների համաժամանակյա ներկայությունը բացատրել է Մ. Մաշտոցի նկարի մոտ աշակերտների՝ նկարվելու ցանկություն ունենալով: Նա շեշտել է բոլոր անհրաժեշտ նախապաշտպանական միջոցների պահպանման հանգամանքը:
Նա նշել է, որ մեկուսացած են ութ աշխատակից ու յոթ սովորող:
