Մեխակ Առաքելյանին արդեն ճանաչում են բոլորը: Նա հայտնի դարձավ քարոզարշավի ժամանակ վարչապետի հետ ունեցած հայտնի զրույցից հետո: Վարչապետին օգնության խնդրանքով դիմած Մեխակը նախ կոպիտ պատասխան ստացավ, իսկ հետո հետևեց հանրային քննարկումների տարափն ու վարչապետի ներողությունը:
Դրանից հետո Մեխակին հյուրընկալեց Սիփան Փաշինյանը: Նրանց դռնփակ զրույցից հետո այսօր միայն հայտնի դարձավ շաբաթներ առաջ նրանց ունեցած զրույցի արդյունքը:
Մեխակը պատմել է լրատվամիջոցներին, որ այսօր իրեն հրավիրել են կադաստր և նրա անունով տուն գրանցել: Նոր տունը գտնվում է նույն գյուղում, որտեղ և բնակվում է Մեխակը: Նոր տունը նրանց բնակության վայրին բավականին մոտ է:
Նրանք նոր տուն պատրաստվում են տեղափոխվել առաջիկայում: Սպասվում է բնակարանամուտի փոքրիկ արարողություն, որը անցկացվելու է հատուկ կարգով:
Մեխակն անչափ ուրախացել է անսպասելի նվերից: Չնայած նա հաճախակի գիշերային ուժեղ ցավեր է ունենում: Նրա առողջական խնդիրները կապված են ողնաշարի հետ:
