Այսօր ևս մեկ ցավալի և անդառնալի կորուստ ենք ունեցել: Մահացել է սփյուռքում իր անգնահատելի դերով աչքի ընկնող բարերարներից մեկը՝ Ասո Թավիթյանը: Չնայած Ա. Թավիթյանը ծնվել, մեծացել և իր գործունեությունը ծավալել է Հայաստանից դուրս, բայց նրա մտքերը, սիրտն ու հոգին այստեղ էր՝ Հայաստանում:
Դա է վկայում մեծ բարերարի գործունեությունը, որն ուղղված էր հայոց զարգացման և բարգավաճման գործին: Ստեղծելով «Թավիթյան» հիմնադրամը՝ Ասոն մշտապես մեծ նպաստ էր բերում հայրենիքին:
Այդ հիմնադրամի միջոցներով ու աջակցությամբ բազմաթիվ հայ երիտասարների հաջողվել է կրթություն ստանալ արտասահմանյան հեղինակավոր ուսումնական հաստատություններում:
Այս մեծ ու ցավալի կորստի առիթով իր ցավակցական խոսքն է Թավիթյան ընտանիքին ուղղել նաև մեր երկրի նախագահը: Նա իր խոսքում դարձյալ արժևորել և կարևորել է անփնվեր հայորդու մեծ ու անգնահատելի գործունեությունը, շեշտել դրա նպաստավոր արդյունքը՝ մեծ ափսոսանք ու ցավ հայտնելով անդառնալի կորստի կապակցությամբ: