Բուժաշխատողների առօրյա և աշխատանքային սովորական դարձած կենսակերպը բավականաչափ փոխվել է: Մասնագիտական առօրյայի փոփոխություններից ածանցվել են նաև փոփոխությունները կենցաղում: Շատ-շատերն արդեն շաբաթներ, նույնիսկ ամիսներ տուն չեն գնացել:
Սակայն հարկ է նշել, որ նրաց ծանրաբեռնված և լարված աշխատանքային գործունեությունը տալիս է իր դրական արդյունքները. նրանց հաջողվել է առողջացնել իննսուներեքամյա մի տիկնոջ, ում վիճակն իսկզբանե միջին ծանրության է եղել:
Սակայն այս տիկնոջ ապաքինման դեպը միակը չէ տարեցների շրջանում: Առողջապահության նախարարը բավականին հետաքրքիր փաստեր է հրապարակել, որոնք փաստում են, որ ապաքինվել և տուն են վերադարձել իննսունամյա, ութսունվեցամյա և ութսունութամյա ևս երեք քաղաքացի:
Բերելով այս տվյալները՝ նախարարը կրկին հորդորում է պահպանել նախասահմանված կանոնները մեր ծնողների առողջությունը խնայելու և նրանց կյանքը վտանգի տակ չդնելու համար:
Այսպիսով՝ բժիշկների հետևողական և գրագետ աշխատանքի, ինչպես նաև վարակված քաղաքացիների համառ ջանքերի շնորհիվ կարելի է լինում հաղթահարել վիրուսի գոյությունը. պարզապես հարկ է զգուշավոր լինել:
