Նախարար Ա. Թորոսյանի խորհրդական Աշոտ Սարգսյանը, ով նաև հանդիսանում է ավագանու անդամ, այսօր սոցցանցային գրառմամբ տեղեկացնում է, որ մոտ ապագայում պլանավորել են շրջանառության մեջ դնել մի օրենքի նոր նախագիծ, որը վերաբերում է ավտոճանապարհային երթևեկության կանոների խախտման և դրանից ածանցվող տուգանման դեպքերի փոփոխությանը:
Ա. Սարգսյանը ներկայացրել է, թե փոփոխությունները մասնավորապես որ կետերին են վերաբերելու: Առաջին հերթին վերջ է դրվելու 80 % կարմիր գծերին:
Այլևս արգելվելու է լուսանկարով տուգանումը. տուգանելու համար պարտադիր է ներկայացնել տեսանյութ, որը պետք է ունենա ավելի քան 15 րոպե տևողություն:
Այս համատեքստում, սակայն, չեն փոփոխվելու սակագները: Հատուկ տարածքներ կսահմանվեն վաճառքի կամ վարձույթի համար երկար ժամանակով կայանվող մեքենաների համար:
Ա. Սարգսյանը տեղեկացնում է, որ այս նախագծի վրա նա աշխատել է Սիփան Փաշինյանի հետ միասին: նրանք պատրաստվում են միասին առավել հանգամանալից ներկայացնել,տվյալ նախագիծը որը դեռ հաստատված չէր, իսկ մինչ այդ մենք ներկայացնում ենք նրա գրառումն ամբողջությամբ:
