Սմոլենսկի մարզի Վյազմա քաղաքի տարեցների և հաշմանդամների տուն-ինտերնատի 86 անձի մոտ կորոնավիրուս է կասկածվում, գրում է «Ведомости»-ն՝ հղում անելով Սմոլենսկի մարզի ադմինիստրացիայի պաշտոնական կայքը։ Բժիշկներն թեստավորել են 306 մարդու՝ ինտերնետում բնակվող և անձնակազմի անդամ։
Քաղաքապետ Պոլինա Խոմայկոյի խոսքով՝ թեստավորումները շարունակվում են, արդեն 1 մարդու մոտ հաստատվել է կորոնավիրուսյան ախտը, ևս 86-ի մոտ նախնական դրական արդյունք է ախտորոշվել։ Սակայն Վյազմայի կենտրոնական շրջանային հիվանդանոցում հիմա կարող են ընդունել միայն 28 հիվանդի, ու կա ընդամենը 6 թոքերի արհեստական օդափոխության սարք։
Հիմա տուն-ինտերնատը կիսված է երկու մասի՝ մեկը հավանաբար վարակվածների համար, մյուսը՝ բացասական թեստավորվածների։ Երկու մասերում տարբեր սպասարկող անձնակազմ է։
Իրավիճակի հետ կապված Վյազմայի քաղաքապետը ժամանակավորապես արգելել է մարզ ելքն ու մուտքը։ Մինչև ապրիլի 30-ը մուտքը կթույլատրվի միայն Վյազմայում գրանցում ունեցողներին, բժիշկներին, ԱԻՆ-ի ու այլ գերատեսչությունների աշխատակիցներին։ Քաղաք մուտք գործելիս կչափվի բոլորի ջերմությունը։
