Առողջապահության նախարար Արսեն Թորոսյանն ուշ գիշերը ցավալի լուր է հայտնել․ կորոնավիրուսից ևս երկու հոգի է մահացել՝ մեկ ժամվա ընթացքում։ Նորքի ինֆեկցիոնում երկու հիվանդ՝ 55-ամյա կին և 73-ամյա տղամարդ, չկարողացան այս գիշերը լուսացնել։
Բացի կորոնավիրուսյան ախտից, նրանք ուղեկցող քրոնիկ հիվանդություններ ունեին, որոնք էլ վատացրել են իրավիճակը։ Բժիշկներն ամեն ինչ արել են՝ նրանց կյանքը փրկելու համար, սակայն, ցավոք, դա անել չի հաջողվել։
Հայաստանում կորոնավիրուսյան ցավից մահվան դեպքերը դարձան երեքը։ Ցավով ստիպված ենք նշել՝ չկարողացանք խուսափել առանց մահվան դեպքերի։ Այս պայմաններում անչափ կարևոր է դառնում կրկին ու կրկին հետևել պատկան մարմինների հորդորներին՝ ինքնամեկուսանալ ու չվտանգել ո՛չ ձեր, ո՛չ էլ ձեր հարազատների առողջությունը։
Կորոնավիրուսյան վարակը պատել է աշխարհը ու բազում մարդկանց կյանքեր խլել։ Միայն գիտակից մոտեցումը կօգնի կանխել մեր երկրում աղետային իրավիճակն ու մահվան դեպքերը։
